2007年12月23日 星期日

放生咒

天叱叱。地叱叱。
罟網結成佛袈裟。山中鳥獸歸巢穴。
水中魚鱉盡歸沙。一切昆蟲歸淨土。
若有一個走不脫。山神水將來救他。
唵。兜唎。兜唎。摩阿兜唎。兜哆唎。娑婆阿。 
















2007年11月27日 星期二

再闖東華城

經過上一次失敗的經驗之後, 今次單人再闖東華城。

星期日一早, 準八時就到深圳大快活門口, 跟天馬之旅林生去東部華僑城, 雖然要交廿元報名費, 但物有所值, 最低限度唔似得上次咁盲摸摸, 唔知邊處有灯火般四處問路, 最後雖然係去得到目的地, 但已是中午沒多少時間遊玩了。

今次就唔同, 坐公車居然可以約時間開行, 仲唔使停站直達東華城入口車場, 可以見得到林領隊係有啲辦法。

買票入場準備坐纜車上茶溪谷, 嘩!成個纜車站打哂蛇餅, 如果排隊的話, 起碼超過一小時, 領隊即時轉呔, 決定不纜車改乘旅遊巴上茶溪谷。 嗱!呢啲咪經驗囉, 避開人群, 不花無謂時間, 靈活輕鬆轉坐汔車上火車站轉乘森林小火車遊覽。 小火車是連接茶溪谷和大俠谷最佳路徑, 全長 六公里, 先後經過峽谷、山林、湖泊和錦繡花田, 係尋幽探奇回歸自然絕妙之旅。

遊畢, 由火車站廣場步行入茵特拉根建築群。 茵特拉根建築充滿中歐山地建築風格, 圓柱城堡, 斜頂房子, 色調和諧與大自然優美景觀完美結合, 置身在其中仿如進入童話般的世界之中不願出離。

沿小徑步行到茶翁古鎮, 眼前景物跟剛才所見完全相異, 全中國式的巿集, 古色古香, 有制茶的茶場、茶酒坊、各式各樣酒家、土家菜的食店, 應有盡有任你品嚐。

當中還有一個戲台, 有老倌正「拉闊」唱大戲表演, 隔鄰又有黃飛鴻醒獅表演, 真的不亦樂乎!餐後經茶溪棧橋進入濕地花園, 濕地花園係一個以花海觀景為主, 以大地藝術為特色的一個地區。人在花田猶如進入了仙境般夢幻世界之中。
























2007年9月26日 星期三

西貢灣仔野營日記


東、西門重陽齋行日記

九月九日重陽天, 浪遊會員大發癲, 相約齊齊睡山邊, 選定灣仔作露天,

狂玩喪食的確堅。人事關係周詳算, 兵分三路各自竄, 大路二路攻山川,

三路坐艇似八仙。西貢集合時尚早, 即時急電西門哥, 約埋一齊食西多,

誰知響極無人接, 唯有自己坐一角;獨在餐廳為食客, 每逢餐飲思某君,

遙知兄弟在車處, 應留腸仔益某人。二路人馬已集齊, 即乘小巴往海下,

終站下車慢步走, 氣都唔喘不用抖, 不消三刻抵營地, 隨即霸位將營搭。

烈日當空高高掛, 汗流浹背把營扎, 不容草兒迎風擺, 野營偏向草上壓;

營邊繩索攔通道, 雜亂無章易割刮。水路大軍抵終點, 即時燒水弄午膳,

分工合作齊出手, 你洗菜時我煮麵, 人性光輝在此顯。(只為食)

環保先鋒童子軍, 山頭共處一家親, 信知食物來不易, 為怕浪 費贈與 君;

餐肉豬扒與雞翼, 還有生肉三數斤, 今晚實飽到抽筋。光陰似箭日如梭,

行行坐坐摸鼻哥, 雖然沒有玩什麼, 轉眼已是三時多。天色漸暗蚊漸多,

留低實變豬頭囉;野地那及家舒暢, 熱時冷氣凍有被, 開大開小方便多,

不像野營蛇鼠窩。新鬼煩冤舊鬼哭, 懶理佢地畀鬼捉。收拾行裝歸似箭,

即時鬆人為上算, 看來西門與東東, 齋行灣仔最化算!

古語有云:「在家千日好, 出外半朝難」。

 


2007年9月23日 星期日

望東灣宿營雜記



望東灣宿營雜記                    

六月十一星期六, 巧遇端午龍舟節, 勞工假期兩天連, 浪遊幹事辦宿營,

即時報名莫詐形。乾七坤五共十二, 齊集渡頭過梅窩, 登岸馬上添糧水,

再乘巴士駁一程, 抵達貝澳預攻營;擺開一字長蛇陣, 徒步直撲青年營,

途中忽聞要澗水, 嚇得尿流屁也滾, 皆因裝備不足夠。一行十二健步走,

個個争先為恐後, 畢竟年邁力不足, 愈行愈慢後尾督;烈日高高掛當空,

渾身汗水如雨下, 抵達營地剩半命, 可幸小休命復回, 即時趕快念屈原,

應節齊游龍舟水, 但望日後順如水。型男玉女齊亮相, 打出靚靚豬腩肉,

無邊春色滿沙灘, 碧波暢泳樂逍遙, 人人自我水中游;机佬手執潛水机,

要把歡樂水中留, 突聞一聲淒慘叫, 仿似猿猴兩岸叫;眾人以為開玩笑,

勸她不要將人騙, 上岸原知錯怪了, 玉體慘遭無名咬, 點點紅印在身前,

眾人皆見眾猶憐。另一受害遭蜂劫, 嚇到面青四圍閃, 不明為何有魅力?

能招狂蜂與浪蝶, 正所謂古語有云:人見人愛車也載, 棺材見到也開蓋, (即係引死人)

何況區區小蜜蜂, 小心的呀老友記! 以柔制剛是太極, 師傅出招渾身力,

耍時每招要圓滑, 能悟之者皆成俠。晚膳分開兩陣營, 一營葷吃一營素,

葷者吃素說乏力, 只是不識養生道, 借來詩句作寫照, 能否開君心中竅。

「朱門酒肉愛烹鮮, 酒味貪饞食萬錢;何似菜根香味好, 清齋菇味定宗禪」

飲飽食醉心猶空, 相約海邊齊吹風, 老年人唱老年歌, 幼者聽後笑呵呵。

男生宿舍似煉獄, 為何甲蟲屍遍舍? 罪魁原來風扇造, 飛進即遭萬刀斬;

辟啪一聲又一隻, 身首異處染污牆, 心中只好念句經, 對境無奈上高牀。

一覺醒來天已光, 馬上梳洗弄早餐, 有菜有麵還有糭, 似乎勁過晚個餐;

飽餐一頓齊清潔, 你洗碗時他掃地, 工作大家互分擔, 輕輕鬆鬆又過關。

王司下令要離營, 臨別依依大拍照, 盡把美景留相中, 十二欄杆十二(差)?

曝曬全變摩囉差;前緣再續訪長洲, 眾人再作長洲客, 想起霑叔一首詩,

拿來相贈給大家:「上水居民居水上, 長洲賓客???」,

不能寫亦不能說, 只可意會, 不可言明, 哈哈哈!!!

北帝廟前祭五臟, 飽餐還在外攤抖, 似乎太過不禮貌, 應該入廟燒香拜,     

時間不早要歸家, 兩天旅程像煙花, 燦爛美麗難留它, 感覺良好不多說,

下次再搞實參加。