係咁追住條火龍四圍游，遇啱十三年來最熱o既中秋節，所以，
搞到身水身汗，咁都無所謂，最弊係相機無電想影都唔得，
雖說機不可失，但手中有機又如何！最緊要係有卡及電．
追...龍，追...龍，其實我早知係無用 .......．
傻瓜用傻瓜機，所得o既效果係咁上下．
中秋夜維園綵燈會景色一角．
2008年9月14日 星期日
2008年7月27日 星期日
忽然一記
可能附近有颱風影響關係，所以，天文台預測今日將會係好熱，果然無測錯，整個上午驕陽似火，導致今日係入夏以來最熱o既一日，氣溫達33.3度，係街上行相信唔使30分鐘就暈低，而有些地區接近成35度。 (熱，熱，熱，熱死人）
所以今日邊度都唔想去，選擇返工司因為有冷氣（係傻佬與癲狗先至會出去玩）我就無你咁好氣，開工搵番多少銀兩。不過下午3時開始天色有異，狂風雷暴風雲色變，吹到門口啲貨東歪西倒，拿拿聲執起順便收檔。
回家換過衫褲出荃灣碼頭跑步，沿海傍向屯門方向走，雖然碼頭一帶啲水有啲臭，但過了城麗之後就好得多了，眼前景色優美有汀九、青馬兩座大橋作伴，海岸的潮聲浪聲去又來，讓我感到心曠神怡，奮力向前奔，而微雨撲面好不涼快，爽！！！一直走．．．一直走．．．走到青龍頭碼頭停步，約8公里，時間是44：04，對我來說已經是不錯的時間了。
2008年2月25日 星期一
尼泊爾之旅 06/02/2008
Ｈello，我返嚟啦！今次行程最後一日可能係水土不服，個肚整日打鼓，經常與廁所為伍，心諗！今次死嘞！點坐飛機返香港？不過上天待「東東」不薄，居然分到個最近廁所位置，你話係咪好運呢？如果唔係的話，五個小時飛行中去了七八次廁所，次次排隊都有我份咪話唔尷尬！好在有驚無險返回香港，即飛「的士」回家。由於拉了很多次人也拉乾了，況且在行程中曬到手黑面黑兼痾到殘！返家時好像老了幾年一樣，所以，老婆差Ｄ都唔認得我何況呀媽？以為休息吓就好，點知！最後都係要俾錢醫生，食幾劑止瀉藥先至好。
今次尼泊爾之行都過得去，亦因內陸天氣之故，溫差變化很大，可以說得是：朝穿棉襖午穿紗，晚圍火爐啖西瓜的感覺。所以，見陽光就走去曬，又無查潤膚膏或太陽油，總認為男人老狗唔須要呢啲東西，由得啲太陽兜口兜面曬到手黑眼黑面又黑，不過，行程又唔錯喎！十六人舒舒服服坐三十坐位旅遊巴，雖然是殘舊啲， 但一人一個窗口位唔駛爭，拍街上照片時可以左穿右插無障礙，亦由於晚上經常無電，所以，無夜街行，亦無地方可得花錢。仲有，騎馬過海就聽得多！騎象過河你試過末？最囉命！新年流流去參觀火葬，真係大吉利是！尤其是在濕婆神廟睇印度教徒將死去之親人火化，認真濕滯，佢地「死人都燒」，所以，我地怕乜？「死人都睇」。總之今次行程都算ＯＫ喇！唯一唔掂係香港領隊。
蘇瓦揚布佛塔 ( Swayambhunath)，位於加德滿都西郊的小山，同時也叫四眼天神廟。因附近經常有不少猴子居住及出沒，所以，又稱猴廟。 佛塔四面繪有釋迦牟尼佛的眼睛，象徵佛無所不在，及監視世人不要作傷天害理的事。．
加德滿都之Ｈyatt 酒店，建築得非常有氣派，樓高整潔佔地廣有花園有泳池與外面的貧窮落後街道及建築物簡直是兩個世界。
牛本是吃草的，但城巿的牛卻要在街上的垃圾堆中找東西吃。
清早之加德滿都到處充滿爭車上班的人士。
哲雲騎大象入森林找犀牛，又好好彩喎！真係俾我哋搵到一對犀牛母子，仲俾我哋四隻大象包圍。
可以話得係前無去路，後有追兵，嚇到ＢＢ犀牛緊貼牛媽後面。經此一輪追逐，在象背上的我，拋上拋落真係暈其象浪，差啲想嘔！
乘坐獨木舟順流九公里，沿途發現有兩三條鱷魚在河中小沙丘曬太陽。
上岸後漫步原始森林，在草叢中發現一批梅花鹿。行了不久其中一位當地導遊發現泥土上有一隻大腳印，經考據後臉色一沉，說可能是一隻貓科動物，即時在地上找了一根粗樹枝，交給另一導遊叫他行在人龍之中，小心觀察四周保持鎮定而他拿一枝木棍則押尾，我們看見導遊們凝重的樣子心內嚇一跳，三步夾埋兩步快快向前走，後來知道上年在這裡發生老虎咬死人事件，好在有驚無險大步檻過，阿彌陀佛！
一小時森林漫步後抵達大象撫育中心，與活潑可愛的小象玩耍，不知為何其中一隻小象從木欄柵走了出來，直奔向其中一團友討吃，嚇到那位團友死死吓！差啲叭地。
最後泛舟波平如鏡的翡華湖，即時想起詩人所述的情景：
春日湖光兩相和, 潭面無風鏡未磨；遙望翡湖山水秀, 湖中小島像青螺。
遠眺喜瑪拉雅山脈之日出。
從莎林寇觀看雄偉的安娜普娜山脈之魚尾峰。
有（尼泊爾恆河）之稱之巴格馬提河 (Ｂagmati River)。印度教徒習慣將屍體火葬後把灰燼推到河裡去，而當地人若無其事地生活，打水的打水，洗衣的洗衣一派安然
濕婆神廟河岸兩邊設有河壇是印度教火葬之地方。如非印度教徒是嚴禁入內，所以，我們只能留在這邊岸觀看。
觸目驚心之火葬儀式。（燒死人）見.....唔.....見到對腳呀！
河水污濁不堪！死者至親男丁要把頭髪剃光以示哀悼，剃光後照樣到河邊洗頭。
博拿佛塔 (Bodnath) 位於加德滿都之Ｈyatt 酒店附近，步行不須十分鐘就到。佛塔周圍有很多小商品店，多售藏傳佛教物品。荷李活電影 <小活佛> 也曾在此地取景。
博拿佛塔外的街景。剛好有幾個喇嘛學生走過。
加德滿都之 Hanuman- dhoka Durbar Squar 即舊皇宮。
舊皇宮守衛
尼泊爾式郵筒？NO！係垃圾桶至真！
街頭特式小食 (炸花卷餅)
小孩與陶瓷
今次尼泊爾之行都過得去，亦因內陸天氣之故，溫差變化很大，可以說得是：朝穿棉襖午穿紗，晚圍火爐啖西瓜的感覺。所以，見陽光就走去曬，又無查潤膚膏或太陽油，總認為男人老狗唔須要呢啲東西，由得啲太陽兜口兜面曬到手黑眼黑面又黑，不過，行程又唔錯喎！十六人舒舒服服坐三十坐位旅遊巴，雖然是殘舊啲， 但一人一個窗口位唔駛爭，拍街上照片時可以左穿右插無障礙，亦由於晚上經常無電，所以，無夜街行，亦無地方可得花錢。仲有，騎馬過海就聽得多！騎象過河你試過末？最囉命！新年流流去參觀火葬，真係大吉利是！尤其是在濕婆神廟睇印度教徒將死去之親人火化，認真濕滯，佢地「死人都燒」，所以，我地怕乜？「死人都睇」。總之今次行程都算ＯＫ喇！唯一唔掂係香港領隊。
蘇瓦揚布佛塔 ( Swayambhunath)，位於加德滿都西郊的小山，同時也叫四眼天神廟。因附近經常有不少猴子居住及出沒，所以，又稱猴廟。 佛塔四面繪有釋迦牟尼佛的眼睛，象徵佛無所不在，及監視世人不要作傷天害理的事。．
加德滿都之Ｈyatt 酒店，建築得非常有氣派，樓高整潔佔地廣有花園有泳池與外面的貧窮落後街道及建築物簡直是兩個世界。
牛本是吃草的，但城巿的牛卻要在街上的垃圾堆中找東西吃。
清早之加德滿都到處充滿爭車上班的人士。
哲雲騎大象入森林找犀牛，又好好彩喎！真係俾我哋搵到一對犀牛母子，仲俾我哋四隻大象包圍。
可以話得係前無去路，後有追兵，嚇到ＢＢ犀牛緊貼牛媽後面。經此一輪追逐，在象背上的我，拋上拋落真係暈其象浪，差啲想嘔！
乘坐獨木舟順流九公里，沿途發現有兩三條鱷魚在河中小沙丘曬太陽。
上岸後漫步原始森林，在草叢中發現一批梅花鹿。行了不久其中一位當地導遊發現泥土上有一隻大腳印，經考據後臉色一沉，說可能是一隻貓科動物，即時在地上找了一根粗樹枝，交給另一導遊叫他行在人龍之中，小心觀察四周保持鎮定而他拿一枝木棍則押尾，我們看見導遊們凝重的樣子心內嚇一跳，三步夾埋兩步快快向前走，後來知道上年在這裡發生老虎咬死人事件，好在有驚無險大步檻過，阿彌陀佛！
一小時森林漫步後抵達大象撫育中心，與活潑可愛的小象玩耍，不知為何其中一隻小象從木欄柵走了出來，直奔向其中一團友討吃，嚇到那位團友死死吓！差啲叭地。
最後泛舟波平如鏡的翡華湖，即時想起詩人所述的情景：
春日湖光兩相和, 潭面無風鏡未磨；遙望翡湖山水秀, 湖中小島像青螺。
遠眺喜瑪拉雅山脈之日出。
從莎林寇觀看雄偉的安娜普娜山脈之魚尾峰。
有（尼泊爾恆河）之稱之巴格馬提河 (Ｂagmati River)。印度教徒習慣將屍體火葬後把灰燼推到河裡去，而當地人若無其事地生活，打水的打水，洗衣的洗衣一派安然
濕婆神廟河岸兩邊設有河壇是印度教火葬之地方。如非印度教徒是嚴禁入內，所以，我們只能留在這邊岸觀看。
觸目驚心之火葬儀式。（燒死人）見.....唔.....見到對腳呀！
河水污濁不堪！死者至親男丁要把頭髪剃光以示哀悼，剃光後照樣到河邊洗頭。
博拿佛塔 (Bodnath) 位於加德滿都之Ｈyatt 酒店附近，步行不須十分鐘就到。佛塔周圍有很多小商品店，多售藏傳佛教物品。荷李活電影 <小活佛> 也曾在此地取景。
博拿佛塔外的街景。剛好有幾個喇嘛學生走過。
加德滿都之 Hanuman- dhoka Durbar Squar 即舊皇宮。
舊皇宮守衛
尼泊爾式郵筒？NO！係垃圾桶至真！
街頭特式小食 (炸花卷餅)
小孩與陶瓷
訂閱：
文章 (Atom)