泰北之旅 (day3)
阿卡族山區野外生活體驗遊
今日參加阿卡山小屋酒店之一日野外生活體驗遊,
包括行山及在野外如何生活, 連一晚房間每人1500銖.
阿卡山小屋酒店
早上退房後, 八時門口等山區酒店專車載我們上山
入山
專車行駛差不多一小時到達阿卡山小屋酒店
酒店登記好後即展開行山活動
迷彩褲者是行山領隊, 黃衫者是我們的廚師今日午餐靠晒佢
領隊邊行邊介紹山中之植物
制作頂蕉葉帽擋太陽
及介紹山中甚麼植物可生津止喝,
條草甘甘哋, 咬落幾好味!
廚師"亞依"大顯身手, 就地取材製造6個竹杯及筷子
供我們下午開餐用
製杯其間, 領隊發現其中一支竹子內有啫喱
啫喱晶瑩通透
叫我們嚐試, 味道清啖幾得意,
還笑說： this good for man!
F2都來試試斬竹造杯
又發現一支藏有水的竹,
嘩! 大開眼界! 好靚, 製作精美, 連筷子都刻埋花紋
過竹橋
家豬還是野豬?
原來是這家人放養的
水源地大休開餐
開餐前教我們捉魚仔虾仔, 我地咁醒當然無落水
搞一輪, 魚虾蟹都捉到, 不過全都放回小溪澗
下午個餐, 廚師出埸表演
先把乾竹生火後把菜切細
然後將所有雜菜塞入其中一支大竹筒內,
加水作雜菜湯
另一支雜菜加蛋
最後一支只放清水及塞入行山時所採摘茶葉煲荼
點開餐呢? 無煲無碟?
"亞依"好厲害只須用蕉葉圍成一個鍋
將雞蛋, 番茄, 公仔麵放入葉鍋內
然後將滾湯倒落鍋中, 再把蕉葉覆蓋上用作焗麵
用蕉葉製作湯匙, 用來撈麵
再破開一支雜菜蛋竹筒
開蓋, 大功告成, 開餐囉!
最後飲埋新鮮茶葉所煲既茶,
好飽, 好新奇, 好滿足繼續行程
山區野李子樹
茶園
來一張全體合照
山區大瀑布
乾旱季節都咁好水, 雨季唔得掂!
回程
返回阿卡山小屋酒店
入屋打開窗門, 呢隻貓老實不客氣跳入來
所住小屋, 門口有一竹棚可供吹水用
晚飯於山區酒店
晚飯後六條友碌係竹棚上飲茶吹水,
臥看牽牛織女星, 不過, 天階果然涼如水!
沒有留言:
張貼留言