馬騮山傻人樂園

文章日期：09/13/2011 10:43 pm

今日中秋補假，下午無事好做，二條友上馬騮山睇馬騮，從安蔭邨山腳走捷徑上山，平時行到金山路回旋處上啲，己經可以見到馬騮，但今日唔知點解，馬騮 屎都唔多舊，唔通尋晚食月餅食滯咗唔蒲頭，即時有啲失望．唯有頂著頭上烈日，身水身汗一步一步向前走，當走到金山家樂徑路牌時，見到一地馬騮，當堂有番啲 笑容．
今日可能假期關係，見很多車乘載小朋友來觀賞馬騮，她們在車內拋出一些零食給馬騮，當馬騮取食時即發出喜悅笑聲，觀看一回後，走上山坡涼亭抖抖，休 息期間，見涼亭上方有一建築物，往上走去看看，原來是 (自稱傻人樂園) 的晨運客集會地方，地方搞得很乾淨，有爐灶可煲茶，而牆壁上有寫情寫境詩句，十分有趣．