雲泉荷影

文章日期：06/13/2010 09:43 pm

星期二因身體不大舒適，所以今個星期日沒有去行山，改為新界遊，
頭站開車去沙田彭福公園走走，中站入雲泉仙館食飯，尾站北區公園．

以前沙田馬場就去過吓，彭福公園反而就未入過，所以不妨入場行吓，
反正唔收入場費，難得今日無馬跑，馬場顯得較為清靜，公園成為狗仔樂園．

中午入雲泉食飯，幾個大漢叫三個菜，食食吓，見同枱嗰啤男女碟芋頭魚，
完全無食過咁滯就走人，我地幾個人打過眼色，即時據為己有，
放在枱前，我地呢餐變為法國大餐 "多舊魚" 食．　　　　　　　　

飽餐一頓後，在園內影荷花，見啲龍友個個抬支大炮咁款既相機，
係度猛咁影，而我只拿一部傻瓜機，只能近影遠嗰啲無我份，
不過都唔錯吖， 傻瓜機仔係咁上下！

尾站北區公園無乜好講，都係嶺南水鄉風情，青磚屋長廊道，
亭台樓閣，斜陽垂柳，只不過係用嚟消磨時間．


畢竟雲泉六月中, 風光不與四時同；接天蓮葉無窮碧, 映日荷花別樣紅。