星期二晚，按慣例是去打羽毛球，點知上午開開吓工，
感覺到額頭有少少發燒與及手軟腳軟．
無理由丫，就係工公司推算為何會"賴嘢"？
上兩個星期才燒完一次，已經無出去玩啦！跟住呢個星期日行東涌至愉景灣，好哋哋，除咗右膝蓋有啲痛外，體力與精神都無問題，
想想吓！恍然大悟，
係喇！
星期一，係星期一喇！平時星期一晚收工會到旺角聽佛學講座， 尋晚回到佛堂，老大已經留了一張凳給我，
隔離是一位師姐．
在未開始時已經覺得唔係咁掂，
因為呢位呀姐一直咳過不停，雖然不是對住我咳，原本想走位，但係，咁樣做法，似乎好似好無禮貌，
惟有硬著頭皮死頂聽至完場．
就因為面子問題，所以，就要付出代價，
開工其間人好像神遊太虛，唔知做乜！好在手頭上有兩包上次用剩中藥，即時煲劑，飲後個人感覺好得多，
雖如此，夜晚都係唔好打波，返歸多啲休息，回到家再煲一劑，兼沖個熱水涼，
早啲睡覺，明早繼續開工．
沒有留言:
張貼留言